Ween well eng onvergiesslech Schivakanz aliewen ?
Dann bass du zu Saas-Fee op iwwert 2000 Meter Héischt genau richteg. Op méi wéi 100 km Piste fir all Niveau suerge mir fir Spaass an Action. Net vir näischt schwätzt een am Süde vum Kanton Wallis an der Schwäiz, vun “Die Perle der Alpen” !
Egal op Schi oder Snowboard, an der „Aletsch Arena“ huet all Mënsch Spaass. 104 km top preparéiert Piste waarden op dech. Op 2869 Meter si vun Dezember bis Abrëll perfekt Bedingunge garantéiert. An de Snowparken, Halfpipes oder op de Freeride Piste ka jiddereen sech austoben.
Mir waarden op dech!
Du wollts schonn ëmmer eemol Schi fueren? Dann ass lo de Moment!
Zesumme mat anere Kanner fiers du dee ganzen Dag Schi. Tëscht Spiller op der Pist, Aktivitéiten am Chalet oder Nuets Schlitt fuere goen, wäerte mir ganz vill Spaass hunn. Schnapp der déng Wallis, do gutt waarm Kleeder un a komm mat eis an d‘franséisch Alpe Schi fueren. 30 km wäit ewech vu Grenoble erwaart dech hei een 90 km grousst Schigebitt , opgedeelt a méi wéi 43 top Pisten déi fir all Niveau gëeegent sinn.
Hues du Loscht mat alen an neie Kolleegen deng Ouschtervakanz am Schnéi ze verbréngen? Dann komm mat op Saas-Fee!
Am Süde vum Kanton Wallis an der Schwäiz, wäerte mir eng Woch laang op iwwer 100 km Pisten eise Spaass um op de Schi an um Snowboard hunn. Domat net genuch! Op 3500 Meter kenne mir e wonnerschéine Bléck op d’Bierger genéissen an de Gletscher besichen. Och Owes am Chalet hunn mir nach e coole Programm.
Opgepasst ! Ufänger kenne bei deser Kolonie just Schi léieren a kee Snowboard.
D’Ënn vum Joer réckt méi no, a Silvester steet virun der Dier. Fir eis zwou Bomien, d’Josephine an d’Sidonie, ass et wéi all Joer, eng zimmlech langweileg Zäit. Si géinge mol erëm gäre wéi an hire jonke Jore puer Aventuren aliewen. D’Josephine an d’Sidonie kennen déi eng oder aner Geschicht. Zemools eng dovun, géingen déi zwou Frëndinne gären nach eng Kéier opliewe loossen.
Wann’s du Loscht hues mat eise Bomien eng spannend Woch ze aliewen, da mëll dech séier un!
La Panne Rock&Roll !!
Des Vakanz riicht sech un jonk Läit mat speziellen Besoin’en ab 16 Joer. An engem flotten Kader, onst Vakanzen Haus d’Sandkaul läit 400 Meter vun der Plage ewech, bidden mir hinnen e puer Deeg Vakanz zesummen mat Gläichgesënnten. Hei kann jiddereen sech erhuelen, sech ameséieren, Spaass hunn, an dëst an engem deenen jeeweilegen Besoinen ugepassten Rhythmus. Begleet ginn die jonk Läit vun jonken Bénévole vum Jugendroutkräiz, die hei zesummen mat hinnen e puer flotter Deeg wëllen verbréngen. D‘Aktivitéiten sinn un die jeeweileg Besoin ‘en vun den Participanten ugepasst. Mir maachen flott Spazéiergang duerch d’Dünenwelt, gi Minigolf spillen, Gokart fueren, buddelen um Strand, Schokki drénken op der Digue mat engem gudden Eisekuch, an en Besuch am bekannten Plopsaland ass och geplangt.
Mir freeën ons zesummen mat dir op eng flott Vakanz!!