Op de Spueren vum Daniel Düsentrieb

Du wolls ëmmer scho wéi den Daniel Düsentrieb innovativ Iddien entwéckelen a Saache selwer bauen? Da bass du hei genee richteg! Um Makercamp erwaarden dech ganz verschidde Workshops wéi Graffiti, Robotik, Bitzen an nach villes méi, wou’s du dech kreativ austobe kanns. Hei léiers du, Problemer ze léisen, deng Iddie mat aneren ze deelen an zesummen déi coolst Projeten ëmzesetzen. An dësem Camp steet de Spaass, d’...

Du wolls ëmmer scho wéi den Daniel Düsentrieb innovativ Iddien entwéckelen a Saache selwer bauen? Da bass du hei genee richteg! Um Makercamp erwaarden dech ganz verschidde Workshops wéi Graffiti, Robotik, Bitzen an nach villes méi, wou’s du dech kreativ austobe kanns.

Hei léiers du, Problemer ze léisen, deng Iddie mat aneren ze deelen an zesummen déi coolst Projeten ëmzesetzen. An dësem Camp steet de Spaass, d’Kreativitéit an d’Teamaarbecht am Vierdergrond!

Hues de Loscht, de kreativen Erfinder an dir ze entdecken? Da mell dech un sief dobäi!

Op dësem Camp schlofe mir a groussen Zelter op Feldbetter. Denkt w.e.g. drun ären Jonken dat noutwennegt Material an ze packe wéi z.B. e Schlofsak an e Këssen.

Mir hunn op dësem Camp bis zu 2 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virum Camp tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Decisioun, ob d’Kand ka matgoen oder net, trëfft den SNJ a Récksprooch mat de Responsabel vum Camp, well si d’Verantwortung hunn a mussen aschätze kënnen, ob si wärend dem Camp fir d’Sécherheet an d’Wuelbefannen vum Kand kennen suerge.