Lëtzebuerger Segelschoul 2

Du bass op der Sich no enger Kolonie mat Action an der Natur an enger gudder Stëmmung? Dann ass d‘Lëtzebuerger Seegelschoul (LSS) um Stauséi genau dat richtegt fir dech! Bréng frësche Wand an déng Summervakanz a gëff och du en Deel vun der grousser LSS-Famill. Ob's du scho mol geseegelt bass oder nach guer keng Erfarung hues, mir brénge jidderengem eise Sport gäre méi no. De ganzen Dag un der frëscher Loft um Waasser sin...

Du bass op der Sich no enger Kolonie mat Action an der Natur an enger gudder Stëmmung?

Dann ass d‘Lëtzebuerger Seegelschoul (LSS) um Stauséi genau dat richtegt fir dech! Bréng frësche Wand an déng Summervakanz a gëff och du en Deel vun der grousser LSS-Famill. Ob's du scho mol geseegelt bass oder nach guer keng Erfarung hues, mir brénge jidderengem eise Sport gäre méi no. De ganzen Dag un der frëscher Loft um Waasser sinn, Owes bei Spill a Spaass u Land an an Zelter schlofen, mir erliewen déi spannend Natur um Stauséi.

Sonn, Waasser, Action a Frëndschaften.

Am Alter tëscht 10 a 17 Joer heesche mir all jonke Matrous häerzlech bei eis Wëllkomm. Dofir looss deng Summervakanz mat enger eenzegaarteger Aventure ufänken a komm op d’LSS!

Op dësem Camp schlofe mir a groussen Zelter op Feldbetter. Denkt w.e.g. drun ären Jonken dat noutwennegt Material an ze packe wéi z.B. e Schlofsak an e Këssen.

WICHTEG: Fir un dësem Camp deelhuelen ze kënnen, muss du am Besetz vun engem Schwammbrevet sinn. Desweideren brauchs du en certificat d’aptitude vun engem Dokter.