Lëtzebuerger Seegelschoul 1

Sichs du e Camp, bei deemsdu Aktivitéiten an der Natur maache kanns an eng flott a geselleg Atmosphär genéisse kanns? Da ass d'Lëtzebuerger Seegelschoul (LSS) um Stauséi genee dat Richtegt fir dech! Bréng e frësche Wand an deng Summervakanz a schléiss dech der grousser LSS-Famill un. Egal ob du schonn Erfarung mam Seegelen hues oder Ufänger bass, mir freeën eis, jidderengem eise Sport méi no ze bréngen. De ganzen Dag ...

Sichs du e Camp, bei deemsdu Aktivitéiten an der Natur maache kanns an eng flott a geselleg Atmosphär genéisse kanns? Da ass d'Lëtzebuerger Seegelschoul (LSS) um Stauséi genee dat Richtegt fir dech! Bréng e frësche Wand an deng Summervakanz a schléiss dech der grousser LSS-Famill un.

Egal ob du schonn Erfarung mam Seegelen hues oder Ufänger bass, mir freeën eis, jidderengem eise Sport méi no ze bréngen. De ganzen Dag dobaussen um Waasser verbréngen, Spaass hunn an owes um Land spillen, ënner dem Zelt schlofen: Mir genéissen d'faszinéierend Natur vum Stauséi a vollen Zich. Sonn, Waasser, Action a Frëndschaften.

Mir heeschen all jonke Séileit tëschent 10 a 17 Joer wëllkomm. Fänk deng Summervakanz mat enger eenzegaarteger Aventure un a schléiss dech der LSS un!

Wärend dësem Camp schlofe mir a groussen Zelter op Feldbetter. Vergiesst net, dat néidegt Material fir Äert Kand matzebréngen, wéi zum Beispill e Schlofsak an e Këssen.

WICHTEG: Fir un dësem Camp deelzehuelen, muss du e Schwammofzeechen hunn. Zousätzlech muss du en Tauglichkeitscertificat virleeën, deen vun engem Dokter ausgestallt gouf.