Kolonie emol anescht (colonie d’inclusion)

Wann s du de Summer mat enger flotter Kolonie ofschléisse wëlls, da komm mat eis op Schladming (Éisträich). Do wäerte mir ënner anerem e Skywalk an Action Rafting maachen an déi gréisste Zipline aus den Alpe rocken. E weideren Highlight ass den Hike, wou mir op enger klenger Hütt an de Bierger iwwernuechten. Wéi et sech op enger Kolonie emol anescht gehéiert, kënne Fräizäiten zum Beispill am Wellnessberäich od...

Wann s du de Summer mat enger flotter Kolonie ofschléisse wëlls, da komm mat eis op Schladming (Éisträich). Do wäerte mir ënner anerem e Skywalk an Action Rafting maachen an déi gréisste Zipline aus den Alpe rocken. E weideren Highlight ass den Hike, wou mir op enger klenger Hütt an de Bierger iwwernuechten. Wéi et sech op enger Kolonie emol anescht gehéiert, kënne Fräizäiten zum Beispill am Wellnessberäich oder an der schéiner Alstad verbruecht ginn. Mir wäerten an engem Hotel iwwernuechten. Ob Beanträchtegung oder net, dës Kolonie ass fir jiddereen.

Mir hunn op dëser Kolonie 10 Plazen fir Jonker mat Behënnerung. Wann äert Kand eng Behënnerung huet, da schreiwt dat w.e.g. bei d'Umeldung dobäi! Dëst ass wichteg, fir dass mir zesummen mat eisen Animateuren déi richteg Präparativen treffen fir ärem an deenen aneren Kanner en optimalen Oflaf vun der Aktivitéit garantéieren ze kënnen. Zur Präparatioun gehéiert och een obligatorescht Gespréich virun der Kolonie tëscht Elteren an den Campchefen, wou si d'Kand an seng Behënnerung besser kennenléieren. Déi lescht Decisioun ob d'Kand ka matgoen oder net, trëfft den SNJ a Récksproch mat de Campchefen.