Hierschtkolonie

De Summer ass eriwwer an dobausse gëtt et méi kal, mee déi nächst Kolonie steet schonn virun der Dier. Et gëtt kee schlecht Wieder, mee just schlecht Kleeder, dofir pack deng Valiss a vergiess deng Biergschong net. Egal ob Sonn, Niwwel oder Reen, d’Hierschtkolonie ass fir jiddereen. Ob Spiller an der Stad, um Site oder am Bësch, et ass sécher eppes dobäi fir dech. Zesumme verbrénge mir eng onvergiesslech Woch, vun där s du duerno na...

De Summer ass eriwwer an dobausse gëtt et méi kal, mee déi nächst Kolonie steet schonn virun der Dier. Et gëtt kee schlecht Wieder, mee just schlecht Kleeder, dofir pack deng Valiss a vergiess deng Biergschong net.

Egal ob Sonn, Niwwel oder Reen, d’Hierschtkolonie ass fir jiddereen. Ob Spiller an der Stad, um Site oder am Bësch, et ass sécher eppes dobäi fir dech.

Zesumme verbrénge mir eng onvergiesslech Woch, vun där s du duerno nach laang schwätze wäerts.

An dësem Camp sti Plaze fir Kanner mat spezifesche Besoinen zur Verfügung. Wann Äert Kand esou Besoinen huet, deelt eis dat w.e.g. bei der Umeldung mat. Eng obligatoresch Reunioun virum Camp tëschent den Elteren an de Campresponsabelen ass néideg, fir d'Besoinen an déi individuell Situatioun vum Kand besser kennenzeléieren.

Déi definitiv Decisioun iwwer eng Participatioun gëtt vum SNJ a Consultatioun mat de Campresponsabele getraff. Dobäi gëtt gekläert, ob d'Sécherheet an d'Wuelbefanne vum Kand wärend dem Camp garantéiert ka ginn.

Wärend dësem Camp schlofe mir a groussen Zelter op Feldbetter. Mir maachen och eng Wanderung, bei där mir op d'mannst eng Nuecht op engem Bauerenhaff, an enger Scheier oder an engem Ënnerstand verbréngen. Vergiesst net, dat néidegt Material fir Äert Kand matzebréngen, wéi zum Beispill e Schlofsak an e Këssen, e Rucksak a fest Schong.