Hierschtkolonie

De Summer ass eriwwer an dobaussen gëtt et méi kal, mee déi nächst Kolonie ass schonn bal. Et gëtt keen schlecht Wieder, mee just schlecht Kleeder, dofir pack deng Valise an vergiess deng Biergschong net. Egal op Sonn, Niwwel oder Reen, d’Hierschtkolonie ass fir Jiddereen. Spiller an der Stad, um Site oder am Bësch, et ass och sécher eppes dobäi fir dech. Zesumme verbréngen mir eng onvergiesslech Woch, hei wëlls de duerno och net m&...

De Summer ass eriwwer an dobaussen gëtt et méi kal, mee déi nächst Kolonie ass schonn bal. Et gëtt keen schlecht Wieder, mee just schlecht Kleeder, dofir pack deng Valise an vergiess deng Biergschong net. Egal op Sonn, Niwwel oder Reen, d’Hierschtkolonie ass fir Jiddereen. Spiller an der Stad, um Site oder am Bësch, et ass och sécher eppes dobäi fir dech. Zesumme verbréngen mir eng onvergiesslech Woch, hei wëlls de duerno och net méi fort. Mell dech un an sief dobäi, dann hues och du eng super Zäit.

Op dëser Kolonie ënnerhuele mir en Hike woubäi mir mindestens 1 Nuecht beim Bauer an der Scheier oder an der fréier Natur ënnert engem Iwwerdaach schlofen. Denkt w.e.g. drun ären Jonken dat noutwennegt Material an ze packe wéi z.B. e Schlofsak an e Këssen, e Rucksak fir mat op den Hike a fest Schong.

Mir hunn op dëser Kolonie bis zu 3 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virun der Kolonie tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Décisioun, ob d’Kand ka matgoen oder net, trëfft den SNJ a Récksprooch mat de Responsabel vun der Kolonie, well si d’Verantwortung hunn a mussen aschätze kënnen, ob si wärend der Kolonie fir d’Sécherheet an d’Wuelbefannen vum Kand kennen suerge.