RV: Dënschdeg, den 13. August 2024 um 10.00 Auer zu Befort
Bass du ee Krimi-Fan, léis gäre mysteriéis Geheimnisser op oder hues einfach Loscht op Spaass mat Kolleegen? Da bass du am Misterydall genau richteg! Hei erwaarden dech kniwweleg Rätselen, düster Geheimnisser, flott Spiller a virun allem eng flott Zäit.
Mell dech an deng Kolleege séier un an erlief ee Wahnsinnsweekend als Detektiv.
Mir hunn op dësem Weekend 5 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virum Weekend tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Decisioun, ob d’Kand ka matgoen oder net, trëfft den SNJ a Récksprooch mat de Responsabel vum Weekend, well si d’Verantwortung hunn a mussen aschätze kënnen, ob si wärend dem Weekend fir d’Sécherheet an d’Wuelbefannen vum Kand kennen suerge.
Hexen, Prënzen, Raiber an Helden aus der ganzer Märercherswelt kommen 2024 erëm zu Wäicherdang zesummen a bereeden sech op hiert nächst Abenteuer fir. Zesumme maachen se sech op eng spannend Rees voller Rätselen an Aufgaben déi et ze iwwerwanne gëllt. Wann‘s och du mat op dëst Abenteuer komme wëlls, da mell dech an deng Kolleege séier un a komm bei eis an d´Märercherswelt.
D’Wieder gëtt rëm méi kal an den éischte Schnéi fänkt u mat falen. An domat fänken och d’Wiichtelcher u sech op Chrëschtdag vir ze bereeden. Well d’Wiichtelcher awer nieft de Kaddo’en, déi se virbereeden och ganz gäre spillen, bastelen a baken, géifen si sech driwwer freeën, wann s du dëst Joer mat denge Kollege bei si géifs kommen. Si erwaarden dech a 40 aner kleng Wiichtelcher fir dir hiert grousst Räich ze weisen. Geschlof gëtt am Mariendall, fir Bettgedecks ass gesuergt, mee vergiess däi Petzi net, dee well déi grouss Aventure bestëmmt net verpassen !
Am Bësch ronderëm de Mariendall spuke säit Joerhonnerte Geeschter ronderëm, déi hei hiert Doheem hunn. Wa bis ee Vampir op der grousser Paart optaucht an sech och nach eng al Hex amëscht, kënnt et zum Chaos ënnert de Duerfbewunner. Wann’s du wësse wëlls, wat do am Dall lass ass, da mell dech séier un!