Better Together

Dëse Camp steet ënner dem Motto „Better Together“. Wann s du Loscht hues, eng ganz Woch mat anere Jugendlechen ze verbréngen an onvergiesslech Momenter ze erliewen, da bass du hei genee richteg! Beim „Better Together“ waart all Dag eng nei spannend Entdeckung op dech. Nieft kreativen a musikaleschen Atelieren, Team-Building-Aktivitéiten a flotten Ausflich, bei deenen’s du denger Kreativitéit fräie Laf loosse kanns, genéiss ...

Dëse Camp steet ënner dem Motto „Better Together“. Wann s du Loscht hues, eng ganz Woch mat anere Jugendlechen ze verbréngen an onvergiesslech Momenter ze erliewen, da bass du hei genee richteg! Beim „Better Together“ waart all Dag eng nei spannend Entdeckung op dech. Nieft kreativen a musikaleschen Atelieren, Team-Building-Aktivitéiten a flotten Ausflich, bei deenen’s du denger Kreativitéit fräie Laf loosse kanns, genéiss du owes hausgemaachte Lasagne, déi um Lagerfeier preparéiert gëtt. Natierlech hues du och vill Zäit fir ze spillen, ze entspanen an nei Frënn ze fannen. A wann s du mengs, dat wier schonn alles, da looss dech iwwerraschen. Eng onvergiesslech Wanderung mat Pakalu a S'mores ronderëm e Lagerfeier stinn och um Programm. Wa mir däin Interessi geweckt hunn, zéck net a mell dech elo un, fir dës onvergiesslech Woch mat eis ze verbréngen!

Wärend dësem Camp schlofe mir a groussen Zelter op Feldbetter. Mir maachen och eng Wanderung, bei där mir op mannst eng Nuecht op engem Bauerenhaff, an enger Scheier oder an engem Ënnerstand verbréngen. Vergiesst net, dat néidegt Material fir Äert Kand matzebréngen, wéi zum Beispill e Schlofsak an e Këssen, e Rucksak a fest Schong.

An dësem Camp sti bis zu 7 Plaze fir Kanner mat spezifesche Besoinen zur Verfügung. Wann Äert Kand esou Besoinen huet, deelt eis dat w.e.g. bei der Umeldung mat. Eng obligatoresch Reunioun virum Camp tëschent den Elteren an de Campresponsabelen ass néideg, fir d'Besoinen an déi individuell Situatioun vum Kand besser kennenzeléieren.

Déi definitiv Decisioun iwwer eng Participatioun gëtt vum SNJ a Consultatioun mat de Campresponsabele getraff. Dobäi gëtt gekläert, ob d'Sécherheet an d'Wuelbefanne vum Kand wärend dem Camp garantéiert ka ginn.