Päischtcamp

Wëlls du vill flott Erfarunge maachen an eng Vakanz verbréngen, déi wierklech anescht ass? Dann ass de Päischtcamp am Mariendall genee dat Richtegt fir dech! Sechs Deeg voller Aktivitéiten, Atelieren a verschiddene Spiller waarden op dech. Wann s du Loscht op eng Woch voller Aventuren, Spaass an Iwwerraschungen hues, da mell dech fir de Päischtcamp un a verbréng eng onvergiesslech Zäit mat eis! Wärend dësem Camp schlofe mir a groussen Zel...

Wëlls du vill flott Erfarunge maachen an eng Vakanz verbréngen, déi wierklech anescht ass? Dann ass de Päischtcamp am Mariendall genee dat Richtegt fir dech! Sechs Deeg voller Aktivitéiten, Atelieren a verschiddene Spiller waarden op dech. Wann s du Loscht op eng Woch voller Aventuren, Spaass an Iwwerraschungen hues, da mell dech fir de Päischtcamp un a verbréng eng onvergiesslech Zäit mat eis!

Wärend dësem Camp schlofe mir a groussen Zelter op Feldbetter. Mir maachen och eng Wanderung, bei där mir op mannst eng Nuecht op engem Bauerenhaff, an enger Scheier oder an engem Ënnerstand verbréngen.

Vergiesst net, dat néidegt Material fir Äert Kand matzebréngen, wéi zum Beispill e Schlofsak an e Këssen, e Rucksak a fest Schong.

An dësem Camp sti bis zu 3 Plaze fir Kanner mat spezifesche Besoinen zur Verfügung. Wann Äert Kand esou Besoinen huet, deelt eis dat w.e.g. bei der Umeldung mat. Eng obligatoresch Reunioun virum Camp tëschent den Elteren an de Campresponsabelen ass néideg, fir d'Besoinen an déi individuell Situatioun vum Kand besser kennenzeléieren.

Déi definitiv Decisioun iwwer eng Participatioun gëtt vum SNJ a Consultatioun mat de Campresponsabele getraff. Dobäi gëtt gekläert, ob d'Sécherheet an d'Wuelbefanne vum Kand wärend dem Camp garantéiert ka ginn.