Erliefniskolonie

Wëlls du dëse Summer eng eenzegaarteg Erfarung maachen an nei Frënn kenneléieren? Esou fänkt dat weltbekannt Lidd vun der Erliefniskolonie un. Hues du Loscht, wärend 10 Deeg u flotte Aktivitéiten deelzehuelen, Spaass mat dengen Frënn ze hunn an eng onvergiesslech Zäit ze verbréngen? Kajak, Stand-up-Paddling oder Sit-on-Top um Stauséi, Wanderungen oder dat grousst Spill vum Dag: Et gëtt esou vill ze entdecken! An dat Bescht dob&a...

Wëlls du dëse Summer eng eenzegaarteg Erfarung maachen an nei Frënn kenneléieren? Esou fänkt dat weltbekannt Lidd vun der Erliefniskolonie un. Hues du Loscht, wärend 10 Deeg u flotte Aktivitéiten deelzehuelen, Spaass mat dengen Frënn ze hunn an eng onvergiesslech Zäit ze verbréngen? Kajak, Stand-up-Paddling oder Sit-on-Top um Stauséi, Wanderungen oder dat grousst Spill vum Dag: Et gëtt esou vill ze entdecken! An dat Bescht dobäi ass, datt du entscheets! Hues du léiwer, ënner dem Zelt oder an engem Schlofzëmmer ze schlofen a bei dësem oder deem Spill matzemaachen?

Wann dat fir dech no enger authentescher Erfarung kléngt, da mell dech séier un!

An dësem Camp sti Plaze fir Kanner mat spezifesche Besoinen zur Verfügung. Wann Äert Kand esou Besoinen huet, deelt eis dat w.e.g. bei der Umeldung mat. Eng obligatoresch Reunioun virum Camp tëschent den Elteren an de Campresponsabelen ass néideg, fir d'Besoinen an déi individuell Situatioun vum Kand besser kennenzeléieren.

Déi definitiv Decisioun iwwer eng Participatioun gëtt vum SNJ a Consultatioun mat de Campresponsabele getraff. Dobäi gëtt gekläert, ob d'Sécherheet an d'Wuelbefanne vum Kand wärend dem Camp garantéiert ka ginn.

Wärend dësem Camp schlofe mir a groussen Zelter op Feldbetter oder an de Schlofzëmmeren. Mir maachen och eng Wanderung, bei där mir op d'mannst eng Nuecht op engem Bauerenhaff, an enger Scheier oder an engem Ënnerstand verbréngen. Vergiesst net, dat néidegt Material fir Äert Kand matzebréngen, wéi zum Beispill e Schlofsak an e Këssen, e Rucksak a fest Schong.