Horizont – Am Wanterzauber

Du wëlls déng Sproochekenntnisser verbesseren ouni déng Fuesvakanz opzeginn? Da komm op Weicherdeng déng Grenzen erweideren! Mir verbrénge 5 Deeg voller Spaass zesummen a léieren eis op Lëtzebuergesch, Franséisch an Däitsch kennen. Et erwaarden dech vill flott Spiller dobannen wéi och dobaussen; ob déif am Bësch oder gemittlech bei engem Schocki, wäerts du mierken, dass Frëndschaften och iwwer d’Sproochen...

Du wëlls déng Sproochekenntnisser verbesseren ouni déng Fuesvakanz opzeginn? Da komm op Weicherdeng déng Grenzen erweideren! Mir verbrénge 5 Deeg voller Spaass zesummen a léieren eis op Lëtzebuergesch, Franséisch an Däitsch kennen. Et erwaarden dech vill flott Spiller dobannen wéi och dobaussen; ob déif am Bësch oder gemittlech bei engem Schocki, wäerts du mierken, dass Frëndschaften och iwwer d’Sproochen eraus ginn.

Du bass also motivéiert, virwëtzeg a sichs eng flott Kolonie fir dech aus ze probéieren? Da mell dech elo un fir déi 4.Editioun vun dëser Kolonie. Mir freeën eis dech kennen ze léieren!

Op dëser Kolonie ënnerhuele mir en Hike woubäi mir mindestens 1 Nuecht beim Bauer an der Scheier oder an der fréier Natur ënnert engem Iwwerdaach schlofen. Denkt w.e.g. drun ären Jonken dat noutwennegt Material an ze packe wéi z.B. e Schlofsak an e Këssen, e Rucksak fir mat op den Hike a fest Schong.