Zirkus Schmaus

Et ass nees esou wäit! De Marc Strasser, och bekannt als Jonn Happi, stellt zesummen mat den Animateuren säin Zirkuszelt am Mariendall op. Hues de Loscht nei Skills wéi Trapez, Jongléieren, Diabolo oder Tissu ze léieren? Egal ob s de schonn Erfahrung hues oder net, hei bass de genee richteg! Bréng einfach gutt Laun an Freed mat, fir zesumme mat denge Frënn eng onvergiesslech Woch am Zirkuszelt ze verbréngen. Niewent den Zirkusaktivitéiten ...

Et ass nees esou wäit! De Marc Strasser, och bekannt als Jonn Happi, stellt zesummen mat den Animateuren säin Zirkuszelt am Mariendall op.

Hues de Loscht nei Skills wéi Trapez, Jongléieren, Diabolo oder Tissu ze léieren? Egal ob s de schonn Erfahrung hues oder net, hei bass de genee richteg! Bréng einfach gutt Laun an Freed mat, fir zesumme mat denge Frënn eng onvergiesslech Woch am Zirkuszelt ze verbréngen.

Niewent den Zirkusaktivitéiten erwaart dech och e spannende Programm mat Waasseraktivitéiten wéi Stand-Up-Paddle, Kayak a Kanoe. De leschten Dag ass et dann esou wäit: Du kanns deng nei Fäegkeeten, déi s de geléiert hues, während enger fantastescher Show denger Famill an denge Frënn virstellen!

Zéck net laang, a mell dech ganz schnell un! 

Mir hunn op dëser Kolonie bis zu 2 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virun der Kolonie tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Decisioun, ob d’Kand ka matgoen oder net, trëfft den SNJ a Récksprooch mat de Responsabel vun der Kolonie, well si d’Verantwortung hunn a mussen aschätze kënnen, ob si wärend der Kolonie fir d’Sécherheet an d’Wuelbefannen vum Kand kennen suerge.