Zeltkolonie fir eis all 1

Wëlls du dësen Summer eppes erliewen? Nei Koleegen kenne léieren? Dann komm eraus aus denger Kummer, well d’Zeltkolonie 1 waart op dech! Hei schlofen mir all zesummen an groussen Zelter, a keen Dag ass wéi den aneren. Mol starten mir gemittlech mat Atelieren, mol voller Action mat engem Campspill an op aneren Deeg maan mir Ausflich an eng Stad, an d'Schwemm oder och an e grousse Park. D’Zeltkolonie 1 ass eng inklusiv Kolonie fir jiddereen tëscht 11 a...

Wëlls du dësen Summer eppes erliewen? Nei Koleegen kenne léieren? Dann komm eraus aus denger Kummer, well d’Zeltkolonie 1 waart op dech! Hei schlofen mir all zesummen an groussen Zelter, a keen Dag ass wéi den aneren. Mol starten mir gemittlech mat Atelieren, mol voller Action mat engem Campspill an op aneren Deeg maan mir Ausflich an eng Stad, an d'Schwemm oder och an e grousse Park.

D’Zeltkolonie 1 ass eng inklusiv Kolonie fir jiddereen tëscht 11 an 14 Joer, onofhängeg dovun, ob ee mat oder ouni Beanträchtegung lieft. Bei eis steet d'Frëndschaft an de Spaass am Mëttelpunkt, an mir freeën eis scho rieseg, en Deel vum August mat dir an ville weideren Kanner ze verbréngen!

Op dësem Camp schlofe mir a groussen Zelter op Feldbetter. Denkt w.e.g. drun ären Jonken dat noutwennegt Material an ze packe wéi z.B. e Schlofsak an e Këssen.

Mir hunn op dësem Camp 12 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virum Camp tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Decisioun, ob d’Kand ka matgoen oder net, trëfft den SNJ a Récksprooch mat de Responsabel vum Camp, well si d’Verantwortung hunn a mussen aschätze kënnen, ob si wärend dem Camp fir d’Sécherheet an d’Wuelbefannen vum Kand kennen suerge.