Better Together

Dest Kolonie leeft ganz nom Motto "Better Together" . Wanns du Loscht hues eng ganz Woch mat anere Jugendlechen ze verbréngen an onvergiesslech Momenter ze erliewen, dann bass du hei genau richteg ! Um "Better Together" gëtt et all Dag eppes Neies a Spannendes ze entdecken.  Nieft de kreativen a musikaleschen Atelieren, zesummenféierend Aktivitéiten a spaasegen Ausflich, wou's du denger kreativer Oder fräie Laf kanns loosen, kanns du d...

Dest Kolonie leeft ganz nom Motto "Better Together" . Wanns du Loscht hues eng ganz Woch mat anere Jugendlechen ze verbréngen an onvergiesslech Momenter ze erliewen, dann bass du hei genau richteg ! Um "Better Together" gëtt et all Dag eppes Neies a Spannendes ze entdecken. 

Nieft de kreativen a musikaleschen Atelieren, zesummenféierend Aktivitéiten a spaasegen Ausflich, wou's du denger kreativer Oder fräie Laf kanns loosen, kanns du dir och Owes emol deng selwergemaachten Lasagne um Feier schmaache loossen. Natielch ass och vill (frei)Zäit fir Gesellschaftsspiller, Chillen an néi Frendschaften knäppen ageplangt. 

A wanns du mengs, dat wier scho alles, dann ierrs du dech. En onvergiesslechen Hike mat Pakalu a Schokonanne um Feier steet nämlech och bei eis um Plang. 

Wa mir däin Interess geweckt hunn, da zéck net a meld dech elo un, fir des onvergiesslech Woch mat eis ze verbréngen! 

 

Mir hunn op dësem Camp 7 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virum Camp tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Decisioun, ob d’Kand ka matgoen oder net, trëfft den SNJ a Récksprooch mat de Responsabel vum Camp, well si d’Verantwortung hunn a mussen aschätze kënnen, ob si wärend dem Camp fir d’Sécherheet an d’Wuelbefannen vum Kand kennen suerge.

Op dësem Camp schlofe mir a groussen Zelter op Feldbetter. Denkt w.e.g. drun ären Jonken dat noutwennegt Material an ze packe wéi z.B. e Schlofsak an e Këssen.