Zirkus Camp

Bei dëser Kolonie stellt de Marc Strasser, och bekannt als Jonn Happi dëse Summer säin Zirkuszelt op. Zesumme mat anere Jonke léiers du flott Zirkusdisziplinë wéi Trapez, Tissu, Seeldanz, Diabolo, Jonglerie a villes méi kennen. Eng ganz Woch gëtt an enger flotter Atmosphär eng Zirkusshow ageübt, déi mir zum Schluss vum Camp eisen Elteren, Geschwëster a Kollegen am Zirkuszelt wäerte presentéieren. Dat Ganzt ...

Bei dëser Kolonie stellt de Marc Strasser, och bekannt als Jonn Happi dëse Summer säin Zirkuszelt op. Zesumme mat anere Jonke léiers du flott Zirkusdisziplinë wéi Trapez, Tissu, Seeldanz, Diabolo, Jonglerie a villes méi kennen. Eng ganz Woch gëtt an enger flotter Atmosphär eng Zirkusshow ageübt, déi mir zum Schluss vum Camp eisen Elteren, Geschwëster a Kollegen am Zirkuszelt wäerte presentéieren. Dat Ganzt gëtt mat flotten Waasser- an aner Aktivitéiten an der Natur vun den Animateure begleet. Nieft flotte Frëndschafte wäerten och nach e puer Iwwerraschung wärend der Woch op dech waarden. Wann’s du en Abléck an d’Welt vum Zirkus wëlls kréien, dann mell dech schnell un.

 

Mir hunn op dëser Kolonie bis zu 2 Plaze fir Kanner mat enger Beanträchtegung fräi. Wann äert Kand eng Beanträchtegung huet, da gitt dat w.e.g. bei der Umeldung un. Dëst ass wichteg, fir dass mir zesumme mat eisen Animateuren déi richteg Preparativen treffe fir ärem an deenen anere Kanner een optimalen Oflaf vun der Aktivitéit garantéieren ze kënnen. Zur Preparatioun gehéiert och een obligatorescht Gespréich virun der Kolonie tëscht Elteren a Responsabel, wou si d’Kand a seng Beanträchtegung besser kenne léieren. Déi lescht Decisioun, ob d’Kand ka matgoen oder net, trëfft den SNJ a Récksprooch mat de Responsabel vun der Kolonie, well si d’Verantwortung hunn a mussen aschätze kënnen, ob si wärend der Kolonie fir d’Sécherheet an d’Wuelbefannen vum Kand kennen suerge.